المساعد الشخصي الرقمي

مشاهدة النسخة كاملة : هل مهر الفتاه يزيد من قيمتها


ميسم القرعان
03-02-2010, 09:59
السلام عليكم ورحمة الله وبركاته



المهر هو المال الذي تستلمه الزوجه من الزوج قبل الزواج
وهو سنة :


والآن ما هي نظرة الزوج والناس لهذا المهر ..
هل المهر القليل يقلل من مكانة الزوجة وكرامتها بين الناس!!


هل المهر القليل سوف يجعل الزوج لايحترم الزوجة وينظر لها نظرة قليلة المستوى


وبانها يوم قبلت بالقليل فهذا يعنى ان بها عيب ؟؟
هل المهر القليل يساهم فى بناء وانجاح الزواج والحصول على التقدير والاحترام من
الزوج اما يصور على انه عيب وعار ومستحيل !!


الآن سؤال الى المهر الكثير
هل المهر الكثير يساهم ويجعل البنت محترمة


وكبيرة وغالية بين الناس ؟!


هل المهر الكثير يجعل الزوج يحترم ويقدس


الزوجة بحكم انه دفع فيها مهر كبير !؟


هل المهر الكبير يساهم فى انجاح الزواج


وضمان ان الرجال ما يلعب بذيلة على قولتنا !؟


هل المهر الكبير ضرورى......!



وعلما أن


< اقلهن مهور اعظمهن بركه والله العالم>



أتمنى أن أرى ردودكم في هذا الموضوع؟؟


تــــحــــيـاااتي

هبة الرحمن
03-02-2010, 10:41
المهربحياتنا صار ضرورةوالناس ما عادت زي زمان
يعني كان زمان البنت اللي مهرها قليل شغلة عادية
هلأ العكس صارو الناس اول ما يسألو عن المهر وكأنو المهر صار يعبر عن قيمة البنت
وبالنسبة هون بالاردن المهر ضروري للبنت لحتى تجهز حالها
ومتل ما بتعرفي صاير غلا الاسعار مش طبيعي فضروري انو المهر يكون عالي شوي
اما المهر بشكل عام برأيي ما الو اي دخل بالحياة الزوجية
يعني ازا كان الرجال بدو يحترم مرتو ويتفاهمو مع بعض هاد ما الو دخل بالمهر ان كان قليل او كتير
هاد رأيي بصراحة
ويسلمو عالموضوع

عبادي
03-02-2010, 10:47
موضوع هام وحساس خاصة في مثل هذا الزمن الذي اصبح فيه الحليم حيران ، وللأسف انقلبت كثير من المفاهيم
ومن وجهة نظري يعتمد هذا التقييم على الشخص نفسه ونظرته للناس وللحياة ، فاذا كانت نظرتنا متوافقة مع الدين وننظر للأمور من منظار اسلامي تكون قضية المهور قضية جانبية بالنسبة للزواج فانا اذا جاء خاطبا لبنتب اول ما اسأل عنه كما قال نبينا عليه الصلاة والسسلام ( اذا اتوكم من ترضون دينه وخلقه فزوجوه) اذا زيادة المهر لا يرفع من قيمة المرأة عند زوجها بل هناك امور كثيرة تقاس بها المرأة غير هذا والله اعلم

ميسم القرعان
03-02-2010, 10:55
اشكرك عبااااااااااااااااااااادي على الكلمات الاكثر من رائعه

ميسم القرعان
03-02-2010, 10:56
مشكوره هبووووووووووش على المرور

ريما الحندءة
03-02-2010, 10:58
الفتاة في نظر اهلها جوهره غاليه لاتقدر بثمن ولكن هل هذا عذر او سبب في غلاء المهور

ظاهرة تفشت في مجتمعنا وتحتاج لمناقشة الأسباب التي جعلت هذه الظاهره تزداد يوماً بعد يوم

احببت ان اطرحها في منتدانا ونناقشها سوياً للبحث عن الأسباب وماهي الحلول من وجهة نظركم ؟؟


لا شك ان المهر له حكمة إلهيه وهي تعبير خاص عن مكانة الحياة الزوجيه ورفعة شأن الفتاة

وإيماء برغبة الشاب الزواج منها قال الرسول صلى الله عليه وسلم (خير الصداق ايسره)

ولكن مانلاحظه في هذا الزمان يصل مهر الفتاة لأرقام خيالية وخارجه عن المألوف وتكاد لاتصدق !!



فـ هل مهر الفتاة دليل على قيمتها او على قيمة غلاوتها عند اهلها او لمن يتزوجها ؟؟

او انها مجرد تقاليد لا معنى لها وجدت في زمن يطغى عليه المظاهر والبذخ والمفاخره بين الناس ؟؟


سؤال يبحث معظم الشباب عن اجابه له دوماً


ما الذي يحدد قيمة المهر ؟

هل هو مستوى جمال الفتاة او اصلها او المستوى التعليمي او المادي ... الخ

ومن المسؤول عن هذا الأمر هل هو ظلم الأب وجشعه وطمعه لبناته كسلع للمتاجرة بها او بيعها

او عدم بيعها ابداً في حالة ان تكون موظفه لأنه يراها كبنك متنقل !!

او ان هذا الموضوع يرجع الى الفتاة نفسها لانه يصبح مصدراً للمفاخرة بين بنات جنسها

واعتقاد بانها ستتميز عنهن كلما زاد قيمة مهرها !!




كيف ينظر الزوج او الناس للفتاة التي ترضى بمهر بسيط ومتواضع :


هل المهر القليل في نظرهم يقلل من مكانة الزوجة وكرامتها بين الناس ؟

هل المهر القليل في نظر الزوج يجعله لا يحترم الزوجة وينظر لها نظرة قليلة المستوى

وبأنها يوم قبلت بالقليل فهذا يعنى ان بها عيب ؟

هل المهر القليل يساهم في بناء وإنجاح الزواج والحصول على التقدير والاحترام من الزوج ؟



وفي المقابل كيف ينظر للفتاة التي تشترط مهر كبير يعجز معظم الشباب عن دفعه :


هل المهر الكثير يساهم ويجعل البنت محترمة وكبيرة في نظر الناس ؟

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

هل المهر الكبير يساهم في إنجاح الزواج وضمان ان الرجال ما يلعب بذيله على قولتنا !!





قال الرسول عليه الصلاة والسلام (اكثرهن بركة ايسرهن مؤونه)

قضية غلاء المهور جزء بسيط من عدة قضايا تعرقل الزواج وتصعب الأمر على الشباب


اسئله محيره تراود الشباب وتختلف اسبابها لدى الفتيات


احد الشباب اله هالفكرة الرائعة اسمعوها ....

مظاهر كذابة و مهور غالية و شبكات بأسعار فلكية كأنه القضية بيعة و شروة
بيجي الشب مسكين يا غافل الك الله بيتقدم للبنت اللي بتحكيلو قديش هية ما بيهمها المظاهر .. و مش فارقة عندها اي شي غيرو و من كلام البنج الآخر... بيدخل من هون .. و طبعا الجماعة مش تبعون مصاري... ما بدهم اي شي... بس مهر و شبكة و نفقة و جهاز و حفلة خطبة و حفلة عرس في فندق خمس نجوم و هدايا بين قبل و بعد الخطبة و شهر عسل في ايطاليا و اسبانيا والفار ايست و شبكة للخطبة و شبكة للعرس و بيت مفروش و مجهز بكل لوازم الحياة العصرية من شغالة و سيارة للعروس و يفضل طباخ و اذا ممكن امرأة تانية تتحمل اعباء الحمل و الولادة عن ست الحسن.
نسيت احكي عن المقدم و المأخر... واللي لازم يتناسب مع مكانتهم الاجتماعية (او بالاحرى اكتر من بنت عمها العورا)
المشكلة اني مش فاهم على شو؟ يعني هم البنات انقطعوا؟ جد على شو؟ ما تزعلو مني بس جد هاي الاشياء مضرة للحياة الزوجية وما الها لا داعي ولا معنى!
يعني اذا كان المهر اكبر بتكون الحياة اسعد؟ او اذا العرس كان افخم بيحمي العرسان من الفشل والطلاق مثلا!!؟
اللي الناس مش مستوعباه هو شغلة بسيطة! كل هاي الامور مجرد امور رمزية! و مش جوهرية!
يعني بالله شو قصة الجهاز؟ يعني البنات عايشين مشلحين ببيت اهلهم و بيستنوا ابن الحلال اللي بدو يكسيهم و يجهّزهم. والا الجهاز هوة عبارة عن قمصان نوم!؟ شو القصة بالضبط!!؟
المشكلة التانية ان الكل بحمّل العريس جمايل.. اذا دفع 1000 بيقولولو احمد الله غيرك دفع 5000 واذا دفع 10000 غيرك دفع مليون! واذا عمل عرس ب5000 بيقولو والله وفّرنا عليك!! و فّرتوا؟ وفرتوا يعني ابوها مثلا اهداهم حفلة العرس ... او عملوها عالديّق وكلّفتلها حركة 1000 دينار مع كل شي... و نفس الحكي اذا عمل عرس ب10000 او 20000 او ميت الف... برضو وفروا عليه!
غير عاد قصة اختك عملت هيك و هيك... ما بصير تكوني اقل منها! شو ما بتستاهلي يعني؟ و فلانة عملت و سوّت.. و علاّنه ابصر شو ...
يا جماعة هذا كلة ما الو علاقة بالزواج ... هاي مظاهر كذابة .. الامور المفروض تكون رمزية مش اكتر ... يعني من ناحية دينية الرسول بيقول:"خيركن اقلكن مهورا" و نهى عن المغالاة في المهور والبذخ في الاعراس.... احلى شي ... نا بيدّعوا انهم متدينين كتير و ما بدهم الا عرس غير مختلط بس بشرط يكون في الفور سيزونز او ما بعرف وين... كيف بالله بناخد من الدين اللي بعجبنا و بنترك اللي ما بعجبنا
وكلو كوم و فستان العرس و مكياج العروس كوم! طبعا اللي عمرها ما سمعت بمروان خير صارت ما بتعمل مكياجها الا عندو (والا بعدين ما "بتبهج" يوم عرسها) و الفستان لازم ينشرى من ابصر وين (صراحة ما بعرف لأحكي من وين) بس ما بصير يكون الا من اغلى محل ... و الا هية اقل من الصبايا؟ و شو يعني حركة 2000 دينار على فستان ما رح ينلبس الا مرة وحدة؟
والله كل هاي الخرابيط بتسد نفس الشباب عن الجيزة من اصلو و بتخلي البنات يخلّلو عند اهاليهم! مش كفاية انهم محرومين من كل شي بحياتهم! لا لما ييجي اللي بدو يخلصهم ... بيدفنوه تحت جبال الطلبات... و طبعا مين بيقدر على الطلبات الا الختيارية اللي بدهم يزهزهوا حالهم شوي و يشوفولهم يومين حلوين بعيد عن ام العيال!! بشوفولهم صبية من هدول... و بيشتروها و يلا!
ارحموا من في الارض يرحمكم من في السماء

صمت الزمن
03-02-2010, 11:41
هناك من يعتقد بان الفتاة عبارة عن سلعة فقط وينسى الفتاة نفسها وهذا هو الغلط بعينة

ميسم القرعان
04-02-2010, 09:27
هلا صمت الزمن
مشكووووووووووووووور على المروووووووووور