المساعد الشخصي الرقمي

مشاهدة النسخة كاملة : هل نحن جيل فاشل؟؟؟


خالد النورس
27-02-2010, 10:55
مش راح اكثر بالكلام "هل نحن جيل فاشل؟" جملة بسمعها كثير خاصة من الكبار شو رأيكم في هذه المقولة


http://img5.imageshack.us/img5/5976/12032809945ou9.jpg





دعونا نسأل أنفسنا

ماذا حققنا لكى نقول نحن جيل صاعد أو جيل مش فاشل ؟؟

الحق أن جيل من قبلنا حققوا الكثير و الكثير خرج منهم العلماء و الادباء و المفكرين و السياسيون و غيرهم الكثير

أما جيلنا ليس بالفاشل لاننا لم تتضح معالمنا بعد المفروض الكبار أنهم يشجعونا و يظهروا لنا نقاط ضعفنا و سلبياتنا

مش يهبطوا من عزيمتنا لكن فى النهاية نحن مقياس الفشل و النجاح

ابو سلطان
27-02-2010, 11:01
موضوع رائع خالد
بس اكيد كل جيل بشوف حاله افضل لان الزمان والمكان بختلف من جيل لجيل وكل وقت اله امكانياته
:022:

هبة الرحمن
27-02-2010, 11:20
نحنا مو جيل فاشل بالعكس نحنا جيل يتسلح بالثقافه والعلم ولكن ومع التطورات الى حدثت فقدنا الكثير مما كان عليها ابائنا واجدادنا
يمكن بنظر الجيل السابق جيل فاشل
بس ما انتوقع راح يكون بيوم من الايام جيل الواكس والجل والتشبة بالغرب رجال المستقبل لانهم فقدو الكثير من العادات والتقاليد
هادا رأيي

شيماء الشام
27-02-2010, 11:25
النقد يرقى بالعمل ويوجهه وينضجه , ولا يتأذى منه إلا الحالات المريضة
علينا أن نثبت نجاحنا بأن نستمد من ذلك النقد طاقات للعمل بجد
وعلينا أن نستنير بالفكر العميق لنتبين ملامح الطرق ..
فالفائز هو من يتعّظ من الأيام ويحاسب نفسه على الصغيرة قبل الكبيرة ..
فعلينا أن نحذر عند الحذر ونعمل عند العمل ونستريح عند الراحة ..

لا تتحقق أحلامنا ولا يكون نجاحنا
إلا بحبّات من عرقنا ...

ميس
27-02-2010, 13:17
يمكن جيل ايام زمان كان مضطر انه يبدع ويكون احسن
لانه كان ناقصهم كتـــــــــير اشياء ومتل ما بقولو ( الحاجه ام الاختراع )
لما بسمع حكي بابا عن ايام شبابه كيف كان يتعب وهو عم يشتغل وما كان يهتم لتعب المهم بالاخير يرجع بيته ومعاه فلوس لمرته واولاده
بكون فخوره كتير فيه وشايفته اعظم أب بالدنيا .

اما جيلنا نحنا ( كت كات ) بيروح الواحد الجامعه بيرجعه محمل امه جميله انه راح ليدرس
( بقول اخوي الصغير : انا مش فاشل انا بس مش لاقي حد يفهمني ويقدرني )


تقبل مروري خالد....وسلمت الايادي

حموووده
27-02-2010, 14:19
نحن جيل فاشل ((البعض)) والبعض الاخر ((مبدع)) ,, ولكن البعض يسعى للانبها وتقليد الغرب بشكل غير طبيعي بالعادات والتقاليد السيئة ,, نحن جيل ولدنا ووجدنا كل شيء متوفر ,,, لا نسعى لنفكر بالجديد الا من رحم ربي يعني ذلك ان بعضنا (( حاط عنها ومستريح )) والبعض الاخر القليل منا ؟ (( شايل همومنا فوق كتافه)),, هذا هو الواقع لا تزعل,, ولكن نحن نسعى لان نكون جيل صاعد لا هابط ..
لكن السؤال يطرح نفسه الى متى هذا الأمر؟؟؟؟؟

مازن
27-02-2010, 16:40
بصراحة نحن جيل فاشل وكذلك جيل ابي وجدي والسبب هو الهزائم والاحتلال تلو الاحتلال لبلاد العربية والاسلامية منذ القرن العشرين يجب ان نضع النقاط على الحروف اين الابداع ونحن لانستطيع ان نصنع عود كبريت بانفسنا وهذا الحقيقة اخواتي ومن اراد ان يراى غير ذلك فهو اعمى بل شك سمحوني على الجراة في الطرح

ريما الحندءة
01-03-2010, 10:51
ما في شي اسمه جيل فاشل وجيل ناجح

كل جيل فيه صفاته وميزاته وحسناته وسيئاته

وكل جيل فيه ناس بتعمل شي للمجتمع والناس وبتنجز وفي ناس برضه بنفس الجيل بتسيء للمجتمع والناس وبتهدم

يعني بشكل عام ما بطلع لحدا يحكي عن اي جيل انه فاشل او ناجح

اسرار
01-03-2010, 11:08
ما بتقدر نعمم انه الجيل الحالي فاشل
لانه ماهو مقبول اليوم كان مرفوضا بالامس وكذلك اليوم فما هو مرفوض اليوم مقبول غدا
لذلمك ليس من الضروري اطلاق حكم الفشل علينا كجيل لديه من التحديات ما لم يكن موجودا قبل
وايضا لايمن ان ننعت بالفشل وفينا من يحارب الظلم ولاجهل بالكلمة وفينا ايضا من يسعى الى العلم والمعرفة
على النقيض ايضا في كل جيل الفاشل والناحج
لذلك نفتخر بان جيلنا هو جيل التحديات

حرف
01-03-2010, 15:38
احنا جيل المشاكل والهم
يعني على زمان الي بحكو عنا فاشلين
ما كان عندهم بطالة وعنوسة واحتلال
واقتصاد ماكل هوا ,وقتل بكل مكان
وسمة بدن
واوطان مسلوبة
ولا كان على زمانهم المشاكل الي عنها عايشين هسا فيها
احنا جيل روعة بس مو عارفين نلاقي حالنا
والله راسي بوجعني بس افكر هيك
نص البواب مسكرة
والنص التاني ما في بواب اصلا
بتلف يمين بتلف شمال لازم تكون ضد التيار
كل شي صار غالي على زماننا
المواصلات (عشان نحسب حساب الطلعة على الجامعة منيح)
والاكل(إذا جعت لا توكل)
والذهب(بلاش نجوز خلي الشباب تنجلط وهي بتكون حالها عشان الشكليات)
والنفط كمان
وشكل الحكي كمان
كل ما الواحد يفكر يصير احسن بلاقي الف اشي
يسم بدنه
واذا عمل حاله متفائل الدنيا بتضربه كف فبعيط
انا اصلا معصبة
وهاي الكلمة بتجلطني
لانه احنا المبدع فينا تعب اكثر من الا ابدعوا زمان
كان زماااان تعبهم يمكن شوي مادي
بس هسا اكثر التعب نفسي
والله يهدينا ونعمل اشي بحياتنا عشان ما ينحكى عنا هيك
اسفة
على
طول الحكي
بس والله فشة غل
ما حدا يحكي عنا هيك والله حرام
واذا فشلنا بكونو هم السبب
هم الي ربونا

خالد النورس
04-03-2010, 09:56
ما مدى صحة هذه المقولة

الفاشل من يتبع هواه ويتبع رغباته الهدامه ؟

ميسم القرعان
06-03-2010, 09:33
ردك في محلو اخ مازن مشكور اخ خالد على الموضوع ولكن مشابه للموضوع الذي وضعته في المنتدى وهو جيل فاشل

عبدالله محمود
07-03-2010, 15:17
لسنا بالجيل الفاشل بل جيل التقدم و الرفعه قد يكون منا من هو مقصر او انحرف عن الدرب قليلا ً ولكن ما ان نلبث ونعود الى الطريق السوي

فنحقق الرفعه و السموا فنكون جيل الخير و الرفعة فهذا هو رايي

تونس الخضراء
22-03-2010, 12:39
موضووووعك جميل..
ومااعتقد اننا جيل فاشل...
واكيد ان كل زمن يختلف فيه كل جيل..ولااتوقع ان في جيل فاشل
يسلموووووووا ع الموضوع الرائع

عدي القراقرة
22-03-2010, 13:38
لسنا جيل فاشل بل مبدعون

ونرى ذلك من أبداعك في مواضيعك الجميلة

شكراً أخ خالد على الموضوع الجميل

http://www.althkra.net/pic/ep/ebe.gif

خالد النورس
26-03-2010, 21:47
ايقنت ان الجيل الذي انتم فيه ليس بالجيل الفاشل شكرا لكل من مر من هنا واعطاى رأيه في موضوعي

خالد النورس
26-03-2010, 21:50
الزمن بيتغير بالناس اللى فيه سواء كانوا ايجابين او سلبين

حسين الحراسيس
28-03-2010, 10:33
بسم الله الرحمن الرحيم
تحية الى الاخ خالد
اقر وابصم بالعشرة اننا جيل فاشل جدا حتى من سبقنا ومن بعدنا والادلة كثيرة جدا جدا ولاتكفي صفحات صدى الحجاج لها
واكتفى بسؤال طرح بنفس الموضوع على محمد حسنين هيكل فاجاب فشلنا عندما حكم الخلافة ابناء الجواري
---حسين الحراسيس---

خالد النورس
02-04-2010, 11:18
شكرا لكم على ارائكم الرائعة


هل نحن جيل قليل الحظ؟؟؟؟؟؟؟؟؟؟؟