أخر زمن!!

[ابو معمر الحجاج]

أخر زمن!!
--------------------------------------------------------------------------------



هل تحفظون ماء وجوهنا أيها السادة..
أنا معلم ، هل تفهمون ما معنى معلم، لعلكم لاتدركون أن المعلم هو الذي يعلم
أمممممممممممممممم
لن أتفلسف
بأختصار:
عندي سؤال:
هل ستبنى مدرسة.. لإدارة وطلاب وصفوف وغيرها بلا معلمين!!
هل ستستغنون عنا نحن المعلمون !!:

أممممممممممم

أيضا لن أتفلسف
أننا أيها السادة بتنا في زمن لا يقدر فيه المعلم.. كيف لا!!
وولي الأمر يتصل بالإدارة يهدد بأن هذا المعلم الفلاني الذي عاقب ابني على عدم كتابة الواجب سارفع قضيته للوزارة
الوزارة التي باتت في صفي حين وضعت قانونها المذهل: يعاقب المعلم الذي يعاقب التلميذ (رحمك الله أيام زمان)

وحين لم يجد أي ردا من المدير سوى الدفاع عن المعلم والتوضيح لما يجب عليه كولي أمر ان يفعله
يقفل السماعة في وجه المدير وهو لازال يشرح له كيف يعتني بنظافة ابنه وكيف يهتم بمذاكرة دروسه ..ألخ
ليذهب
ويخبر ابنه : ابنـــــــــــــــــــــــــــــــــــــي يا ابنــــــــــــــــــــــــــــــــــــــــــ ـتي
تعالا بسرعة.. والشرر يتطاير من عينيه ،و كانه في حرب حمي الوطيس فيها (ليتها تظهر لحظة الاستذكار مع الابناء)
أنت يابني
إذا طلب منك المعلم أن تمد يدك للضرب قل له سأخبر عليك أبي ،الذي بدوره سيشكوك للوزير والتربية بأكملها........ أنت لايحق عليك ضربي

وانت يا ام فلانة: أذهبي للمدرسة وقولي للمعلمة التي صرخت ووبخت ابنتنا الحساسة جدا..أنها إن استمرت في اسلوبها هذا ساشكوها ايضا للتربية ..وأطالب المديرة ان تعلم معلمتها كيفية التعامل مع ابناؤنا

أخر زمن
،
،
اوووووووووووش هل سمعني أحد

لحظة سأفتح النافذة( الحمدلله لا احد سوى القطة المؤذية
والدولاب
والدرج
والباب
و
و
الحمدلله لاأحد
الأن سأخلد للنوم ،
،
أوووووووووووووف
(القطة نعم القطة أخاف ان توشي بي

[راتب القرارعه]

الف شكر الك:170[1]:

[كامل السوالقة]

اشكرك
هل انت كاين مدرس اخى
الحقيقه من لما غاب مطرق الرمان عن الطلاب اصبح التعليم فى طور الحاكم والجلاد
والمعلم اصبح بلا قيمه
تسلم
اخى

[ريما الحندءة]

خسارة معلمين هالزمن ضاعت هيبتهم

[amreen]

آآآآآآآآآآآآآآآخ كأنك عايش مكاني
ما كنا ساكتين يا ابو معمر وكافين خيرنا شرنا
ليش تقلب مواجعانا ؟؟؟؟؟؟؟؟؟؟؟

[كامل السوالقة]

تسلم القلوب الموجوعه والمفجوعه فى هيك جيل
تمرد وركوب على الادب انحطاط خلقى الله يعين الهيه التدريسيه على هيك جيل
غاب المطرق والخيزران
دب فيهم اجنان عدم الاحترام

[ابو قنوة]

المعلم
اساس المجتمع
ومستقبل الوطن
اذا اصبح المعلم يبحث عن قوت عيالة
فعلى الدنيا السلام
هدم المعلم وسحق مستقبله
اول معاول فساد المجتمع وتدمير كيانه
اثنان صنوان ان فسدو فسد المجتمع وسقطت الدول ...
اولاها المعلم .. وثانيها العدل
وثانيها لا يقوم دون اولها
قم للمعلم ...

[كامل السوالقة]

ربى يخليك فيلسوف زمانك يا رجل
تسلم على المعلومات
فى صميم درس المعلم

[jfree_omar]

يكفينا فقط قول الشاعر
ان المعلم والطبيب كلاهما _____ لا ينصحان اذا هما لم يكرما
فرضى بدائك ان جفوت طبيبا ____ وارضى بجهلك ان جفوت معلم
قف للمعلم وفه التبجيلا _____كاد المعلم ان يكون رسولا
وانا حسب ما سمهت ان الشرطي في اليابان عندما يرى معلم يأخذ له تحيه
مش زي ما عنا
معلم شورمة راتبه واحترام الناس له افضل من معلم مدرسة
ذكرتوني في نكمتة الام الي بناتها الثلاثة متزوجات وبتحكي الاولى ماخذها ميكانيكي ما شاء الله عليه والثانية صاحب نوفتيه
والثالثة حظها نايل اخذت معلم مدرسة
من اين سيجدها المعلم
من الساعة ستة ونص وهو صاحي بصل المدرسة الساعة سبعة بحضر الطابور وبدخل على الحصص على الاقل اربع ساعات
وبدهم ( الادارة ) تحضير الحصة يوميا ودفتر العلامات والامتحانات والغياب وان يشارك في لجنة مدرسية وان يعد الوسائل وان يشرح ويفهم الطلاب و الله يجعله يتيه ويلمس طالب ابوه شراني بحططه الف الفين دينار حسب الضرر النفسي اللي سواه للطالب
ع فكرة المعلم ما عنده نفسيه لانها اتحطمت زمان من لما منعوا الضرب اللي ضيع هيبة التعليم وصار الكل يتشاطر ع المعلم
وبعد هيك بروح ع البيت ومطلوب منه التزامات اسرية واجتماعية
صدقوا ابني لو يفطس ما راح اخليه يصير معلم

في النهاية يا ريت وزارة التربية تمنع ضرب المعلم من قبل الطلاب واهلهم
ع فكرة من سخريات الزمن ان المعلم اذا ضرب طالب لا سمح الله وجاب الطالب تقرير طبي بسجن المعلم مع المجرمين يومين ثلاثة حتى المعلم يتأدب وفي معلميه انسجنو بس استفادو فاول شي قدمو استقالتهم واشتغلوا مع صحبة السجن
هههههههههه

[الفارس الأسود]

شكرا جزيلا اخي ابو معمر على الموضوع لك مني اجمل تحية

[ريماس]

احم احم هيك احنا اتبهدلنا ياجماعة الخير

راعو مشاعرنا شوي انا معلمة للصف الاول الابتدائي بس الصراحة انا بضرب وفعلا ما بسال اذا الطالب اخطا لازم يتعاقب

صحيح حقوقنا مهضومة واغلب المدرسين بعد الدوام بيشتغلو سواقين تكسي لانة الرواتب سلامتكم وتعيشو

بس فعلا التعب والهم بيروح لما بتشوف ثمرة جهدك والطالب صار يقرا ويكتب والك الفضل في هالشيء

وبرضو الطلاب ثمرة جهدهم بتظهر عليك بتطلع بعد 10 سنين خدمة معك الايزو بالجنون او معك اكتئاب و بجوز ما تلحق تنجن بتكون صابتك جلطة وفيزت
ملاحظة هدول طلابي في الصف بيكتبو الواجب

:175::175::175::175::175::175::175:

[Gladiator]

اي يلااااااا
المشكله موزعه على الجميع
على التربيه وعلى الطالب وعلى المجتمع وعلى المعلمممم
ابو معمر بالله عليك تحكي الحق
وين الي كانوا شياطين اكثر شباب اليوم ولا زمان
ونفس الشي وين الي كانوا ضابطين الصف معلمين زماان ولا هسه مع احترامي للمعلمين الان
في فرق صح

[ريماس]

ابو زغيب زمان كانو شياطين بس هلا اسم الله عليهم يطرحلهم البركة ابليس بتعوذ منهم


اي انا بروح صوتي وانا افزع بين البنات والاولاد

صفي مختلط والله يا احمد الله من فوق رحمك

لو كنت طالب عندي والله كان هلا انت زارع يمكن 5 طواحين و9 اسنان

والله بضرب الولد كف بلف حوالين حاله هو انا

جاي ادرس والا افزع انا

الي 9سنين بدرس الله وكيلك كل سنه بكون الجيل اغبى من الي قبله ما بعرف شو السبب

فعلا قاضي الاولاد شنق حاله

[ميسم الجنوب]

فعلا اخر زمن خاصة الشباب (المعلمين ) أول يوم بالمدرسة بياكل قتله بتنسي الماضي كله ما بكمل اسبوع بالمدرسة الا وهو وين على الامن العام او الجيش او بالفنادق بدور على رزقه هو في اليوم تعليم واحترام للمعلم كان زمان هلأ ازا بصير مشكلة 99% الحق على المعلم وهو مو داري شو الموضوع وازا ضرب طالب عصاية يا دوب يلمسه فيها بينحبس اقل شي يومين وعلى رأي المتل اللي بيقول على الله تعود والله يكون بعون معلمينا وطبعا قصص الصبايا بدها كتب وما بتخلص

[Gladiator]

مع احترامي الشديد انكم غلطانين ... الاستاذ الي فارض شخصيتوو لغاية الان فارضها وعلى جميع المراحل الصفيه

بس شوفوا بعض المعلمين ... اي والله ما بخليه يسلي الراعي ويشرب معه كاسة شاي
هو هذا معلم الي بطلب من طلابه ارقام بنات ... ولا بطلب منهم دخااان ...

وحتى اولياء الامور ... ما في واحد ما بحب انه ابنه يتربى ويتعلم ... بس القضيه احنا دايما بنشوفها سطحيه
لما طالب يروح على ابوه ويشكي الاستاذ شي طبيعي الاستاذ لازم ينزل على المدرسه يعرف الاسباب
لكن الطامه الكبرى لما يشوف الاستاذ الي ضرب ابنه وعلى اساس بدو يربي ابنه
لما يشوفو مسحل البنطلوون ... وحالته حاله ... شو الثقه الي بدها تتوارد عند ولي الامر ...
اكيد راح يحكي في نفسه ... هذا المقلعط بدو يضرب ابني ويربيه ولا بدو يفرد عضلاته على الولد .. اي والله ابني مربى اكثر منه
وعينك ما تشوف الا النور

[ميسم الجنوب]

:hh13:نحنا ما بنحكي ان الاهمال من طرف واحد الاهمال من كل الاطراف من الطالب ومن المعلم ومن ولي الامر وحصيلة الاهمال الجماعي زي ما انت شايف احمد الوضع الحالي للتعليم وضع فعلياً مأسوف عليه

[Gladiator]

كلامك صح ميسم وانا معك

[ميسم الجنوب]

:hh13:الله يصلح الاحوال ويهدي العالم