المساعد الشخصي الرقمي

مشاهدة النسخة كاملة : فلانة محجوزة لفلان !!!! مع أم ضد ؟


النجمه المضيئه
11-02-2009, 17:24
السلام عليكم ورحمة الله وبركاته


( الحبر بيخلص وقضايا مجتمعنا مابتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

* بيجي واحد يخطب بنت جيرانه ..الولد ماعليه خلاف.. ودين ..لكن البنت محجوزة لابن عمها

* في يوم من الأيام شخص كان حاجز وحده من قريباته .. وطول حجزه الها يعني من وقت ماكانو صغار وهم يقولو فلان لفلانه وفلانه لفلان .. وبعد ما توظف تركها وقال انه مابدو اياها ..

ساءت الحاله بين العيلتين .. والبنت تورطت وراحت فيها حتى الخطاب مابيدقو بابها لأنهم بيعرفو انها محجوزه لفلان وضاعت البنت مع ضياع هذا الحجز ..

* بنت يتيمة وحيدة..حجزها عمها لابنه ..لانه مابدواياها تطلع من العيله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلص البنت محجوزة لفلان



قصص تبكي القلوب .. وأحلام بتضيع في قرار
أمال وأمنيات بتتبخر ..

بصراحة انا حاسه ان الحجز فيه ظلم للبنت
خصوصا ان الولد لو كبر وغير رايه مارح يتأثر
لكن البنت حساسة و رح تتأثر
وفوق كل هذا ماعاد بيجيها خطاب لانهم بيعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي رح تتأثر اكثر



يخلص الحبر والكلام مايخلص


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه بدو يحجزك شو بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

Gladiator
12-02-2009, 00:27
دع الايام تفعل ما تشاء .........

ريماس
12-02-2009, 02:00
انا ضد هالفكرة والحمد لله هالعادة مو موجودة عنا او بعائلتنا

انا رأيي السبب الشب و البنت الاتنين مسؤولين اذا شب او بنت صار بعمر الزواج ومش قادر يحكي رأية او يتحكم بحياتة على الدنيا السلام

شو انا كرسي محجوز لرحلة

وعلى العموم من هلا بحكي الي بيفكر بالجيزة من هلا يحجز لحالة غرفة بمستشفى المجانين

تقبلي مروري عزيزتي

هبة الرحمن
12-02-2009, 08:37
والله لا يقوله هالشي يصير في عايلتنا

بصراحه انا بكره هاد الشي

ليه البنت خروف يحجزها الحتى تكبر عشان يذبحها تندبح يوم العيد

والله ناس متخلفه وعقولها عقول متحجره

والحق مو على الاهل الحق على الشباب وخاصا الشب اللي طاوع اهلوو

الله يكون بعون البنت يلي بيحجزوها لا ابن عمها بتكون نهاية حياتها مو بدايتها

اسرار
12-02-2009, 11:30
:girl02_2: العادة هاي موجودة لهلأ وانا بشوفها كثير وبسمع عنها والمشكلة في العادة تكمن كما ذكرتم في الشب عندما يكبر ويوعى ع الدنيا وما يبدي رايه انه ما بده الموضوع من اساسه وهاذ نابع من الفكرة السائدة واللي بتعشش في فكر الشباب انهم هم بس اللي بيحق الهم انعم يختاروا:girl02_2:
ممكن الحب يلعب دوره وفعلا يتجوزوا بس ليه الحجز بنتركها للايام (مثل ما حكى احمد) وازا حبوا بعض خير وبركة :092:

ميس
12-02-2009, 18:49
انا اكييد ضد هالشي هي عاده غريبه والحمد لله انه مافي عنا هيك شي
ليش لتحجز البنت لشب وهم لسه اطفال؟
اشي طبيعي انهم بس يكبرو مايكونو لبعض
الشب من حقه يحب ويختار بنفسه عروسته والبنت كمان ليش لنظلمهم بهيك زواج ؟

النجمه المضيئه
12-02-2009, 23:05
دع الايام تفعل ما تشاء .........

معك حق احمد بس هلا البنت والشب الهم دور وراي بكل شي وبهاالموضوع بالذات لازم يكون الراي كله الهم
,,,تحياتي:hh13::hh13:

النجمه المضيئه
12-02-2009, 23:07
انا ضد هالفكرة والحمد لله هالعادة مو موجودة عنا او بعائلتنا

انا رأيي السبب الشب و البنت الاتنين مسؤولين اذا شب او بنت صار بعمر الزواج ومش قادر يحكي رأية او يتحكم بحياتة على الدنيا السلام

شو انا كرسي محجوز لرحلة

وعلى العموم من هلا بحكي الي بيفكر بالجيزة من هلا يحجز لحالة غرفة بمستشفى المجانين

تقبلي مروري عزيزتي



مرورك عذب صديقتي,,,ورايك في محله معك حق بالي قلتيه كله صح..تحياتي:hh13::hh13:

النجمه المضيئه
12-02-2009, 23:10
هبه..اسرار.. وميس تحياتي الكم ولمروركم العذب كلامكم صحيح ولا جدال فيه ,,,والحمدلله ان العادات هاي ما عادت متل قبل لان البنات هم الي رح تروح عليهم...:hh13::hh13:

Gladiator
13-02-2009, 08:55
بتعرفوا وين التناقض
لما الشب والبنت ما يكونوا بدهم بعض بصير الحجز عند الاهل شي عادي وحتى بكون عمل بطولي للاهل بتسابقوا عليه والكل بهنيهم
ولما يكونوا الشب والبنت بدهم بعض وبحبوا بعض بس في ضروف عند واحد منهم مثلا الشب ما كون حاله او او او... بصير الحجز ع دورهم عيب وما بصير وعمل غير شرعي من قبل الاهل , والناس ما بترحم
مش قمة التناقض ؟؟؟

هبة الرحمن
14-02-2009, 12:26
اكيد يا احمد
والمشكله انو الاهل ما بيفكرو غير بنفسهم وبعلاقاتهم العائليه يعني بدنا نجوز ابنا من بنت فلان لانو بنت عمواو بنت ساحبي وما بدي اخسرهن ومن هل حكي
وبلحالتين بيضيعو الطرفين يمكن البنت تحب الشب يلي اهلها جوزوها ياه بس يمكن هوا حتى بعد الزواج ما حبها وبهيك راح تدمر البنت والشب وازا ربنا رزقهم اولاد راح يضيعوو

يعني دمار والسبب الاهل

Gladiator
14-02-2009, 12:37
دمار شامل ... معك حق هبه
دعوها فهي مأمورة
كل واحد بدور على مصلحته ومابهتم في الثاني دنيا مصالح

هبة الرحمن
14-02-2009, 13:24
مهميا المسالح يا احمد يلي دمرت بناتنا وشبابنا اوقات كتير حتى الشب ما الو رأي واهلو بحبهم لنفسهم وما فكرو غير بمسلحتهم دمرو ولادهم

حتى الشباب تدمرو بسبب حب الاهل لنفسهم والمسالحهم

دانا
14-02-2009, 14:41
هاي العادة موجودة وكتير كمان بس الشباب لازم يكون الهم تأثير بهالموضوع واذا الشب اصر على موقفه بالآخر الاهل بيرضخو لرغبته لانهم ما رح يخسروا ابنهم لانو ما تزوج هاي البنت او هديك ... بس المهم الشب كون عنده قوة ارادة ... والحكي كله بينطبق ع البنت يعني اذا ما بدها الشي كمان تصر على موقفها يعني ما رح يموتوها لتتزجوا
وكمان هاي نقطة حساسه لانه الاهل مو دايمين للبنت مشان يتحكموا بحياتها

يعني البنت اذا بدها تتزوج شخص لازم تسأل حالها هل انا بتحمله 30 40 50 سنه لقدام ، هاي حياتها مو حياة اهلها فهي لازم تقرر

شكرا نجمتنا ع الموضوع الحلو

هبة الرحمن
15-02-2009, 16:07
كلامك سح دانا

بس بمجتمعنا االاردني بلتحديد بتتوقعي انو البنت وسلت عندا الجرئه انو تحكي لا اهلها ما بدي هل انسان لانو ما بتوقع اقدر اعيش معو العمر كلو
مشكلتنا يا دانا انو بتجي الام وبتحكيلك هي انا اخدت ابوكي وعشت معو اول حياتي اتعس ايام عمري وهلاء شايفتين مرتاحه وانتو كبرتو ولله الحمد وريحتوني

يعني بنرجع وبنحكي عاداتنا وتقاليدنا بتفرض علينا اشياء كتير بتواجدها السلبي والاكتر من ايجابي

ميسم الجنوب
17-02-2009, 13:25
:hh13:مش بس هيك هبة سدئيني ان البنات صارت عندهم الجرأة تحكي انا بحب او انا بدي فلان مش زي ايام زمان الوحدة بتخطب وما بتشوف خطيبها الا ليلة الدخلة اليوم بتعيش مع اللي بتحبه كانه خطيبها وزيادة كمان

ابو سلطان
07-03-2009, 16:35
انا ضد...

ولاخوان كفو و وفو بالشرح
.
.
.
شـكــ وبارك الله فيك ـــرا لك ... لك مني أجمل تحية .
:hh13: