المساعد الشخصي الرقمي

مشاهدة النسخة كاملة : موضوع للنقاش( الزواج المبكر)


هبة الرحمن
26-04-2009, 20:45
موضوع للنقاش أطرحه أمام أعضاء صدى للتعليق بأفكارهم وما يعبرون عنه بوجهات نظرهم

(هل الزواج المبكر في سن الخامسة عشر أصلح للإنسان أو بعد بلوغ سن الخامسة والعشرين)

اتمنى من الجميع التفاعل وابداء رأيه

ريماس
27-04-2009, 03:06
هبوش حبيبتي هلا الزواج سترة للبنت باي عمر سواء بال 15 او 25

بس انتي حاطه الفرق كبير يعني ليش الفرق 10 سنوات

هلا الزواج بعمر ال 15 بالنسبه الي مرفوض لانه جد البنت صغيرة ولسه مو واعيه حتى بالشكل الكافي لتكوين اسره

لكن مرات الظروف بتجبر انه تتزوج البنت بسن مبكر ممكن لظروف عائليه او ظروف تانيه وبتكون ام وزوجه مثاليه

لكن بالرغم من هاد كلو انا بفضل الزواج بعد ال 15 يعني على العشرين وبعد هيك تمام الامور

خالد النورس
27-04-2009, 06:52
الزواج المبكر يعني اي ساعة ههههههههههههههههههه


رغم كل المزايا التي يتمتع بها الزواج بكونه الرباط المقدس الذي يربط بين طرفين اختار لهم القدر الحياة معا ، إلا أن هناك بعض الشوائب التي تحوم حول هذه العلاقة النبيلة ، ولكي نكون أكثر دقة ، هي ليست شوائب بالمعني المتعارف عليه ، بل أفكار خاطئة يجب علينا تصحيحها من آن لأخر ، ولعل من أهم هذه الأفكار ، ما يتعلق بالزواج المبكر .

الزواج المبكر أصبح قضيه يتباحثها المجتمع بعد أن كان أهم مطلب من متطلبات الزمن الماضي أو بمعنى أصح الجيل السابق . فقد كان من الطبيعي جدا أن تُزف الفتاه بعد بلوغها مباشرة أو عندما تصل لسن الخامسه عشر كأقصى حد لعريسها الذي لا يتجاوز العشرين من عمره . و تبدأ رحلة الحياه بحلوها و مرها ينجبا الأولاد الواحد تلو الأخر فهم لا يعرفون لتحديد النسل طريق .

و ها نحن ثمار الجيل الفاضل السابق أحد أهم إيجابيات الزواج المبكر تربينا و ترعرعنا بكنف أباءنا عشنا معهم أهم مراحل تدرجهم بالحياه عاصرنا مشاكلهم شاركناهم بحلها و كانوا لنا أصدقاء أكثر من أباء و كل ذلك يرجع لتقارب أعمارنا مع أعمارهم بفضل الزواج المبكر .


بالعصر الراهن أصبح الزواج المبكر موضه قديمه ينظر لها شبابنا على أنه تخلف و رجعيه بل و يعتبره البعض ظلم يربط مصير الفتاه أو الشاب مبكرا بقيود مسؤليات الحياة .

و كثيرا ما تجد رجل بالخمسين من عمره و أكبر أولاده يناهز الخمسة عشره فكلاهما لا يكادان يتمتعان بالعلاقة الأبويه الحميمه التي تنشأ من غريزه طبيعيه خلقها الله و جعلها نعمه من نعم الحياه .

الموضوع جميل والمناقشة به اجمل والنقاش فيه طويل وشائك وهناك مؤيد ومعارض للموضوع

شكرررررررا لك هبة على هذا الطرح الرائع

تقبلي مروري

هبة الرحمن
27-04-2009, 07:24
انا حطيت العمر بين ال15 وال25 وكنت اقصد انو تكون لسى طفله صغيره او انثى بالغه بتعرف الصح من الغلط متفهمه لأمور الحياة بلشكل الصحيح

ونزلت هل موضوع بسبب ما سمعت عنه وشاهدته في بعض المجتمعات في اربد وبعض الاسر التي تقوم بتزويج الفتاة عن بلوغها السن القانوني


وبأيدك في كل كلمه حكيتيها ريماس
وكثير حالات طلاق للزواج يلي بتكون فيه البنت لسى عمرا اقل من 20 سنه

بس المشكل بمجتماعاتنا انو ازا البنت وصلت سن ال25 ولسىة مو متزوجه بيحكو عنها كبيره
هادا رأي البعض من اهل الشمال

هبة الرحمن
27-04-2009, 07:30
كلامك صح خالد
بس لغاية الان في بعض المجتمعات بتنظر للبنت انو الزواج ستره الها
على الرغم انو شباب هل ايام ما بيقدرو يتحملو مسؤلية بيت واسره في سن مبكر
وعلى الرغم من هل كلام والمعرفه فيه بس كتير من المجتمعات لسى عندا فكره انو البنت ما الها غير الزواج لانو الزواج ستره
وما بيفكرو بعواقب هل موضوع
وبرجع وبكرر كم من حالات الطلاق التي تمت بسبب هذه المعتقدات الخاطئه

ابو عبدالرحمن
27-04-2009, 07:35
نعم كا قال زملائي من قبل الزواج ستر لبنات المسلمين .. ولكن دون مبالغة في التبكير أو في التأخير .. ومهما يكن من أمر فالزواج في نهايته سكن لكلا الزوجين ..شـكــ وبارك الله فيك ـــرا لك ... لك مني أجمل تحية .

http://www.hh50.net/uploads/images/redcodevb-1b2b58b7f8.gif

هبة الرحمن
27-04-2009, 08:44
يلي بفهمو ابو عبدالرحمن انك مع الزواج المبكر للبنت
انا مو ضد مقولة الزواج ستره بس هل بتتوقع انو البنت يلي عمرا 18 او 19 سنه تكون كفئ لتحمل بيت ومسؤليه وزوج وانجاب اطفال ؟؟

اتوقع لو هل بنت تزوجت وانجبت اطفال راح تعلب معهن بالعابهم كونها لساتها طفله متلهم صح والا انا غلطانه ؟؟

وفاء الاردنيه
28-04-2009, 15:21
هبه حبيبتي

الزواج في سن مبكر هوه ظلم للبنت بهل وقت
لان بيكون عقلها غير ناضج اول شي
وتاني شي تفكيرها بيكون لسئ محدود ومابتقدر تقوم بكل واجباتها الزوجيه والمنزليه

لهيك لازم البيت ماتفكر بهل شي او ما ينحكى فيها دون سن ال 19 فما فوق

لان البنت بتكون بأستقرار نفسي وجسدي

تقبلي مروري ورايي

اختك وفاء

هبة الرحمن
28-04-2009, 20:03
كلامك صح وفاء وخاصا انتي شفتي وتعايشتي مع بعض البنات يلي من نفس عمرك وتزوجو قبل سنه وسنتين وشو كانت نهايتهم والنهايه طبعا كانت الطلاق بعد زواج لم يدم اكثر من اربع شهور

مشكوره حبيبتي على مرورك

هبة الرحمن
28-04-2009, 22:31
صح كلامك ياسر بس انت شايف انو حياتنا متل حياة الرسول عليه افضل الصلاة واتم التسلم
او فينا نتشبه فيه او بالصحابى
وبعدين التربيه يلي نشئو عليها الصحابا والصحابيات نفس يلي نشئ عليها الجيل الحالي
ياليت نقتدي برسولنا الكريم والصحابة
وبعدين يا ياسر العنوسه يلي موضوع ناقشتو انا وبعض الاعضاء من قبل وعرفنا الدوافع والاسباب في اكتر من سبب لنسبة العنوسه في الاردن وباقي الدول العربيه

اتمنى ان تكون قد اقتنعت بكلامي
مشكور على مرورك

حرف
28-04-2009, 23:17
الزواج خير طبعا
انا مع الزواج المبكر بس مو زواج الصغار
يعني مو 15 سنة كتير صغيرة حرااام
بس الزواج المبكر (يعني بين 18 وال20 متلا)
بنظري افضل
عشان زمنا زمن عجب
وطبعا انا بحس انه كل حالة زواج منفردة في نفسها
ما بنقدر نعمم شي
بس مو حلو يكون بدري كتير ولا متاخر كتير
خير الامور اوسطها
وكمان برجع لطبيعة البنت والشب يعني
ممكن يكونوا واعين بعمر صغيرة
شكرا هبوش

هبة الرحمن
29-04-2009, 07:20
تسلمي حرف
بس ما اتوقع انو بنت او شب في سن الــ19 او 20 يكون واعي ومتفهم لا امور الحياة الزوجيه
يعني لو البنت كان عمرها 22 او 21 فما فوق اتوقع بيكون افضل لتتمكن من انشاء بيت واسره سعيده مو بيت كلو مشاكل هي ازا ستمر الزواج

مشكوره على مرورك حرف

أستاذ الغرام
09-05-2009, 20:36
ان الزواج المبكر يضر البنت لئنه لم تفقه نفسها

اما الشاب يعلم ماذا يفعل اذا تزوج

فيه ناس افضل عمر للزواج من 20 فما فوق :hhh15:

انا تزوجة انا عمري 20 سنه بس الاهل يرفضونه لئنه سوريه بس انا ابيه للحين افكربه :hhh19:

انا قضيت احلى ايامي يوم تزوجة بس الحين انا بصوب وهيا بصوب السبب الاهل :h8:

هبة الرحمن
10-05-2009, 07:17
خيي استاذ يمكن زواجك كان غلط لانو في سن مبكر واتوقع رفض الاهل سببو انك لساتك مو مكمل دراسه او مو مكون نفسك
بس ازا بتحبها ومتاكد انك راح يكون فيك تكون اسرة وتتحمل مسؤلية بيت واسره واطفال مافي شي بيمنعك من ان تجتمعو انت وهيا بمنزل واحد وتكونو اسرة واحده
يلي بيحب بيوقف بوج كل العالم كرمال الانسان يلي بيحبو

صوت الكرك
10-05-2009, 08:10
الاخت هبه
الموضوع كثير ممتاز مشكورة على طرحه للنقاش
انا مع خالد النورس في كل ما قال

وانا مع الزواج المبكر
وسيندم كل من لم يتزوج بسن مبكره
خصوصا عندما يشاهد اطفاله تكبر امامه

مشكوره هبه

عهد
10-05-2009, 09:24
في هذا الزمن ومن كثر ما بنسمع ومن يلي بيصير................ ..صار الزواج المبكر مطلووووب:h2:
:161[1]:زوجوا الشباب

هبة الرحمن
10-05-2009, 17:04
شهم بس بتتوقع انو شباب هل ايام بيقدرو يتحملو مسؤلية متل ما تحملوها غيرهم ولا تنسى شباب هل ايام شباب الواكس والخسر الساحل ( الطنطات )

هبة الرحمن
10-05-2009, 17:06
ما بعرف شو بدي احكيلك عهد

بس مو ليكونو رجال بيقدرو يتحملو المسؤلية

Gladiator
10-05-2009, 19:38
ههههههههههههه ماشي يا هبه بتهزئي في شباب اليوم .. شو مالهم ؟؟

نرجع للموضوع
هسه الي شفته انا من الردود .. انه طبيعي البنت تتزوج في سن مبكر بس هذا الحكي زمان ليش ؟ لانه كانت توعى وتفهم اكثر من هسه
صح هيك انتو حكيتوا ؟؟
طيب والشب كمان نفس الشي انه زمان كان اوعى ؟؟ تمام

وكمان حكيتو انه هسه كثرت المصايب والفتن ... صح كلامكم

يعني في تناقض في الكلام
لما ما كان في فتن ولا مصايب كانوا يزوجوا على سن مبكر
وهسه لما صار في فتن صارت الناس تزوج على سن متاخر
وكانو زمان يتحملوا المسؤوليه عشان هيك بكيير
وهسه كلهم طنطات وما بتحملوا المسؤوليه فبتاخروا في الزواج

ولو لعبنا في الكلمات شوي !! ممكن بعد اذنكم ؟؟
يعني نحكي
زمان تزوجوا بكير وقللوا من الفتن عشان هيك ما كان في مصايب ودواويين
هسه تأخروا في الزواج نتج عن ذلك الدواووين الي بنسمعها
زمان تزوجوا مع انه الواحد مابعرف شي في الحياة وبعد الزواج تعلم حمل المسؤوليه
هسه بعرف في الحياة كل شي ونطاق تفكير الانسان صار اوسع من قبل بس مش راضي المجتمع يزوجه ويعلمه كيف تحمل المسؤوليه

بصراحه يا اخوان انا كنت داخل عالموضوع عشان اكتب راي غير الي كتبته فوق
وكنت ضد الزواج المبكر

بس لما قرأت رد خالد النورس والشهادة لله انه اقنعني جداااااااا
وخصوصا عبارته

و ها نحن ثمار الجيل الفاضل السابق أحد أهم إيجابيات الزواج المبكر تربينا و ترعرعنا بكنف أباءنا عشنا معهم أهم مراحل تدرجهم بالحياه عاصرنا مشاكلهم شاركناهم بحلها و كانوا لنا أصدقاء أكثر من أباء و كل ذلك يرجع لتقارب أعمارنا مع أعمارهم بفضل الزواج المبكر .

صرت اقارن بين اولاد صحابي الي تزوجوا وهمي صغار وناس ثانين تزوجوا وهمي كبار
فررررررررق يا اخوان شااااااااسع

حلو ابنك يكبر معك ويتدرج ويستفيد من خبراتك في جميع المراحل العمريه
مش ما يلحق منك او ما يستفيد خبرة الا خبرة دخول المستشفى وانواع علاج وحبوب امراض القلب

هبة الرحمن
10-05-2009, 22:32
كلامك صح احمد ومقنع للجميع
بس انا ضد الزواج المبكر

مشكور على مرورك

ابو سلطان
11-05-2009, 01:50
احسن سن للزواج
البنت من 20 الى 25
والرجل من 25 الى 30
رأي شخصي
.
:181[1]:

هبة الرحمن
11-05-2009, 08:11
هادا افضل سن لزواج الشب والبنت
رأيك الشخصي صحيح ابو سلطان
مشكور على مرورك

سهر
11-05-2009, 13:27
اظن انه الزواج المبكر بوقتنا الحاضر اكيد غلط
لانه كل شي تغير عن ايام زمان
لنفرض انه واحد تزوج وهو صغير شوف بعد كم سنة شو رح يصير رح يشوف زملاءه كل واحد بالعطلة بروح على مكان لا وراه ولا قدامه رح يكره حاله ويقول شو اللي عملتو بحالي ويكره مرتو ويصير طول عمره حاسس انه ضيع احلى ايام حياته باكبر غلطه وهي الزواج

وازا وحدة تزوجت صغيرة ما بتفهم الخمسة من الطمسة وبنات هالايام وانا وحدة منهم بيضة بنحرقها لما نقليها بدنا نخرج اجيال
يعني الوحدة بتتزوج وهي عمرها عشرين سنة او اكتر وبيفشل زواجها كيف الاطفال طبعا ما بعمم

ايامنا هلأ بدك تمشي فيها ما بتقدر تمشي عكس السير لانك بتتعب وازا حابب تجرب تمشي عكس السير امشي بس مو بموضوع متل الزواج ... جازف بإشي تاني
وسلامتكم..

أستاذ الغرام
12-05-2009, 01:22
يا هبة الرحمن انا قد المسؤليه بس المشكله الاهل يبوني اتزوج من الاقارب

مو سوريه انتا احبها ابي اسوي كل شيء لرجعلها

الله يستر من الجاي

لئن الناس يفتنون بين الاهل والزوجه

ما اقول الى الله يستر بسترك

تقبلي مروري واحترامي لك

هبة الرحمن
12-05-2009, 08:27
والله يا سهر كلامك صح مليون بالميه
مشككوره على مرورك الرائع حبيبتي

هبة الرحمن
12-05-2009, 08:41
استاذ الغرام
ما بعرف شو بدي احكيلك بس اذا كنت سعودي وكانت هيا الزوجة الاولى طبعا هذا القانون السعودي لا يسمح به ان تكون الزوجة الااولى غير سعوديه
وبالنسبه لا رفض الاهل ويلي فهمتو من جوابك انو فيك تتحمل مسؤلية بيت وزوجة ما راح يمون في مشكلة بتقدر تبقى زوجتك السوريه وما تنفصل عنها وتفتحلها بيت لوحدها وبالنهاية وقت اهلك يشوفو اولادك راح يتقبلو الموضوع برحابة صدر ويتقبلو زوجتك

واذا كنت اردني اهلك اخرتهم يقتنعو وبتقدر تحكي من البنت يلي هما بدهم يزوجوك ياها وتقنعها انك مو عاوزها وانك متزوج وحده تانيه واكيد مافي بنت بتقبل تتزوج من شاب مو رغبانها او مقتنع فيها

نسمة الجنوب
18-05-2009, 21:48
الزواج عمره ما كان ستره للبنت لانه في كتير بنات بكونوا مستورين عند اهلهم بس يتزوجوا اذا كان في مشاكل وممكن توصل للمحاكم هون بتكون الفضايح 0
لان الايام قليل من الشباب بقدر يكون مسؤول عن الزوجة بكل معنى الكلمة واذا كان لازم يكون زواج للبنت يكون فوق عمر العشرين حتى تقدر تتحمل وتصبر وتفهم شو يعني زوج

هبة الرحمن
19-05-2009, 07:22
كلامك صح نسمة وخاصا انو هل ايام كثرت حالات الطلاق او رفع شكوى من الزوجه ضد الزوج وذالك بسس العنف عليها
لازم البنت والشب يكونو ناضجين عقليا ويكونو بيقدرو يتحملو مسؤلية كرمال يفتحو بيت ويكونو اسرة