المساعد الشخصي الرقمي

مشاهدة النسخة كاملة : شباب وبنات النت


وفاء الاردنيه
17-05-2009, 18:09
السلام عليكم ورحمة الله وبركاته
اليوم حابه نحكي شوي على نظرة الشب لا البنت الي بتدخل نت
ونظرة البنت لا الشب الي بيدخل نت

لا في اغلب الاوقات بنشوف الشب بيخجل وبيرفض ان اختو او زوجتو او بنتو تدخل نت
ليه وشو السبب

واذا النت غلط ليش انت بتدخلو
ارجو من الشباب بشكل خاصه يردو وبكل صراحه

وكل الاحترام لكل شب بيحكي رأيو بصراحه من غير مجامله ببنات المنتدى

اختكم وفاء

المشتاق
17-05-2009, 18:28
مشكوره اخت وفاء على الطرح الرائع
صراحة من كثر ما سمعت عن فضائح النت وخاصة عند بعض المنتديات
والشات والغرف والكام بجعل الواحد يتردد الف مره
قبل ما يسمح لاخته او زوجته او حتى ابنه او بنته لانه عالم غريب
واسع ليس له حدود وبيجعل الواحد دائما حابب يكتشف هذا العالم الغريب
وخاصة الامور الغلط والممنوعه .
ويمكن للبنت بتكون فرصه اسهل واسرع للالتقاء بالشاب اللي بتعتقد انه
فارس احلامها من خلال كلامه المعسول وخاصة انه فرص الزواج
اليوم قليلة وتقع المحذورات طبعا .
هذا كل ما عندي ويمكن بعد النقاش من كافة الاعضاء يكون عندي افكار ثانية
تقبلي مروري واحترامي

ريماس
17-05-2009, 19:05
ان برايي ما فيها شي والناس هلا اتطورت يعني هلا العالم بينظر للي ما بيدخل نت على انه شبه جاهل

انا بحكيلك النت كل شي فيه الاشياء الكويسه والاشياء الي مو كويسه

لكن الانسان هو سيد الموقف وهو الي بيختار شو الموضوع الي يدخل عليه

هلا انا مثلا بالنسبه الي اي معلومه بدي اعرفها بستطيع بكل سهوله ووقت قصير اني احصل عليها بدون ما ارجع للكتب والمراجع

بعدين سواء على النت او خارج النت الشخص هو الي بيفرض احترامه على الناس

موضوعك راااااااائع وفاء كل الحب والتقدير عزيزتي

هبة الرحمن
17-05-2009, 20:49
موضوع رائع حبيبتي وفاء

انا بعتبر الانتر نت عالم واسع وبشبهو بالمكتبه الكبيره ويلي بيدخل وبيفتش على شي راح يلقاه
واكيد الانسان يلي ما بيدخل الانتر نت وما بيعرف يستخدم الكمبيوتر راح يكون جاهل لانو نحنا هلاء بعالم السرعه والانتر نت بيعرفنا على اشياء كنا نجهلها
واكيد بأيد كلام ريماس بكل كلمة حكتها

وفاء الاردنيه
20-05-2009, 11:04
كلامك جميل يا مشتاق

ولكن ماجاوبت بتسمح لا اختك او بنتك او زوجتك تدخل النت ؟؟


واشكرك على مرورك

وفاء الاردنيه
20-05-2009, 11:07
لا ريماس مو كل البشر هيك بينظرو وانا متاكده ان اغلب شباب المنتدى بيرفض ان اختو او بنتو تدخل الانترنت

خلينا نشوف اراهم ونرجع ناقشهم

ومشكوره حبيبتي على مرورك

اختك وفاء

وفاء الاردنيه
20-05-2009, 11:10
كلامك صح هبه
وكلام ريماس برضو صح

بس ياترا الشباب هيك رأيهم ؟؟

والا عندهم رأي تاني ؟؟