تابعنا على فيس بوك
اضغط على اعجبني - like ليصلك كل ما هو جديد

التسجيل التسجيل التسجيل المفضلة
آخر 10 مشاركات : مواقع بكل اللغات يسرد سيره الرسول صلى الله عليه وسلم ، ويوضح الاسلام (الكاتـب : - )           »          غراتان الجبن (الكاتـب : - )           »          شوكولا فوندون (الكاتـب : - )           »          الباتي (الكاتـب : - )           »          طريق صحراء تاريم (الكاتـب : - )           »          المدينة البيضاء في الأندلس ..؟؟ (الكاتـب : - )           »          حدائق ماوي (الكاتـب : - )           »          كانوا قوماً ظُرفاء ! (الكاتـب : - )           »          إنها الصلاة (الكاتـب : - )           »          راقت لي وابكتني (الكاتـب : - )


أهلا و سهلا بجميع زوار و ضيوف وأعضاء شبكة ومنتديات صدى الحجاج من اخواننا واخواتنا العرب

خريطة الصدى    أضفنا في مفضلتك    إسترجاع كلمة المرور   الاتصال مع الادارة 


العودة   شبكة و منتديات صدى الحجاج > المنتديات السياسية والإخبارية > منتدى فش خلقك .. فضفض
طقس الاردن السوسنه اذاعة امن اف ام سرايا جراسا كل الاردن المدينة نيوز عمون اخبار البلد مزايا نيوز عفرا نيوز العقبه اليوم  

منتدى فش خلقك .. فضفض طفشان ..؟؟ متضايق ..؟؟ زعلان ..؟؟ مستانس ..؟؟ ولهان ..؟؟ جوعان ..؟؟ عطشان ..؟؟ عثمان ؟؟ .. فش خلقك .. اكتب اللي تريده,, اي شي يجول في خاطرك .. اكتب عن مواقف صارت لك من زمان او موقف صار لك اليوم ..

إهدآآت الصدى


في زحام المقبرة !!

منتدى فش خلقك .. فضفض


إضافة رد
 
أدوات الموضوع انواع عرض الموضوع
قديم 07-07-2009, 13:21   رقم المشاركة : ( 1 )
شخص عادي "
مارق طريق


 
لوني المفضل : Blue
رقم العضوية : 167
تاريخ التسجيل : 19 - 3 - 2008
فترة الأقامة : 3535 يوم
أخر زيارة : 14-04-2014
المشاركات : 4,659 [ + ]
عدد النقاط : 117
الجنس ~
M M S ~
MMS ~
 
 
 الأوسمة و جوائز
 بينات الاتصال بالعضو
 اخر مواضيع العضو

ابو قنوة غير متصل

افتراضي في زحام المقبرة !!



الزمان .. الحادية عشرة والنصف مساء السبت الماضي ...
الو .. نعم : تعال على المستشفى .. العجوز فاطمة بطوارىء المستشفى .. شكلها بتودع يعني مخطرة ...
طيب لا حول ولا قوة الا بالله هاي انا جاي ... ركبنا بنصاص الليالي ... وينك يالمستشفى .. ومن كثر ما انا لخمة ما عرفت باي مستشفى ... رجعت اتصلت مرة ثانية .. : الو .. ما قلتلي .. اي مستشفى ..؟؟؟ البشير يا زلمة .. مالك .. طيب يا رجل على مهلك عمان فيها سبعين مستشفى .. ..اه بس هيك حالات بدها البشير ... علشان الطبيب الشرعي .. يعني وين ما كنت لازم تمر على البشير ..... ومرينا على البشير .....
المهم بنص الليل وصلنا البشير .. خطي مطي بين الطواريء .. والدوران بقسم الطوارىء .. الوف البشر ... وبنص الليل ... كل خمس دقايق .. بجيبو حالة طارئة .. كل خمس دقايق دورية شرطة .. مخفر شرطة الطوارىء بالبشير .. مثل خلية النحل .. اطباء الطوارىء .. مثل بيت النمل ... وناس رايحة وناس جاية ... واحد سكران .. وحدة نص كم ابصر شو مالها ..واحد بسب وبلعن ابو هالنسب الى صار .. واحد بسب على مطعم فلافل ..هوشة جماعية .. جايبينهم مكلبشين .عشرات الناس .. مئات والوف من البشر ... وغير البشر ....... القسم مزبلة .الزبالين .. مش ملحقين ..كلة برمي على الارض ..... لانه البشر وسخين ..دخلت الحمام علشان اغسل بوزي واصحصح ..الحمام .. بصطلك من الريحة والوسخ .... . مالحقتش .. دشت وراي وحدة خالص كازها .. الله وكيلكم .. قالت ..شو انت داخل حمام النسوان .. قلت الها نعم انا دخلت حمام النسوان .. شكلك مش شايفة مباول الحمام معلقة بالحيط علشان شخايخ الزلام ... ... هذا حمام رجال يا روحي .. ما افرقت معاها .. دخلت ووقف تغسل بنيعها .. طلعت عالسريع بلاش يبلونا بتهمه تالي الليل ... عالم اخر عالم ثاني وثالث ورابع ..... من كل المحافظات .. من كل الدروب .. كله بالبشير ....يعني بتقول نص البلد بالبشير .....
شو بدنا بالطويلة فاطمة الله يرحمها قصدت .. يعني الله يرحمها .... وفاطمة الله يرحمها عمتي .. اطيب العمات .. ومنها كانت تصدر اجمل الدعوات التي سمعتها في حياتي ....
في لايوم التالي .... كان لابد من الذي منه ...بعد الغسل والصلاة على المرحومة ..... وينك يا سحاب ... ومحسوبكم بفكرها مثل العقبة .. يعني المقبرة بدفنو فيها كل اسبوعين واحد .. واحيانا بيجي عفو .. وبمرق شهر وشهرين وما بموت حدا ... وعلى الحلال بكون الف وادور بالعقبة ادور على بيت عزا .. نقضي تالي الليل هناك ... راحة بال ولا اجمل ..
المهم بعد زحمة السير ..... والف والدوران بين شاحنات خط سحاب .. وبعد ما صرنا ببلد ......وامبلنص ابو معمر .. قصدي امبلنص الجنازة ببلد ثانية وصلنا مقبرة سحاب ....
الله لا يورجيكو .. هاي المقبرة قد العقبة ثلث اربع خمس ست مرات ...يعني مدينة موتى عن جد ... والجنازات نازلة ندف .. نازلة كبس ... جنازة ورا اختها .. كله على سحاب .. قعدنا نستنى امبلص المرحومة فاطمة ....الي بقهرك انو التدخين مكروه على المقابر .. يعني مش مناسبة .. نعفط والناس .. حزنانين...... قلنا يا ولد شارك بجنازة من هالجنازات على بين ما تصل الحجة فاطمة .. تسلينا بكم جنازة ... نشوف الدفن ونشوف شو بقول الشيخ على راس الميت ... بالزبط ثمانية جنازات ... كانت شغالة حين وصول المرحومة فاطمة .والله بعلم كم جنازة بالطريق ... ومن هون للمغرب بكون نص البلد بسحاب .. وطبعا النص الاولاني موجود بالبشير ....والنص الثالث على الخط بين البشير وسحاب ........ بلش الشغل .. طبعا تم اجراء اللازم حسب الاصول وبعد الدفع والرشاوي وتزبيط العمال .. و و و ... وتم الدفن وفقا لما هو متبع في مثل هذه الحالات .... المهم سحبنا حالنا ورجعنا .. على خط سحاب عمان .. بطريق صوامع الحبوب ... والشاحنات نازلة مثل زخ المطر .. بتكون الشاحنة ماشية على اليمين بكل احترام .. شوي بتلاقيها كسرت مرة وحدة على اليسار .. وروح دبر حالك يا ابو العريف .. طبعا محسوبكم خلقه ضيق .. واعصابة فالته .. ما خليتلهم مسبات وتفتفات .. ولعن والدين .. مش فارقة لانهم سواقين حمير .زوق معدوم .. اخلاق ..يوك .. ادب .. نهي ..... وبعدين وينكو ما هي القنوة .. نايمة تحت الكرسي .. وجاهزة للهبد ....
المرافقين الي معي قالو ما لك زعلان ... هيك الوضع وكل الناس عارفين .. يعني الزوق والاخلاق واحترام القوانن انقرضت من زمان .. هدي اعصابك بلاش تنجلط .... انجلط .. وترجعوني على سحاب ... ملعون ابو سحاب .. وملعون ابو هيك اخرة ... وشو هالمقبرة الى اهل الميت بدورو على ميتهم الي دفنو امبارح ومش لاقبن قبرو .. يا جماعة الخير احنا بالعقبة بندفن الواحد .. وبنرجعلو بعد سنتين وبنلاقي قبره محلو .. ما تغير .... ....
زحام كيف ما وجهت بصرك ... ازدحام يقتلك .. في الشوارع....... والمشافي .. وحتى في المقابر ..... زحام رهيب .
احسن شىء الواحد منا يحجز له مكانا من اليوم .. وينسق كافة الامور مسبقا .. بتعرفش شو بصير .. مع الزحمة ممكن يرموك بجنب الطريق .. وممكن الزبال يحملك ويحطك بالحاوية .. وبتصفي يا طويل العمر .. بطحانة الزبالة بمكب انقاض .. الله بعلم وين ..وممكن المقتاتون على المزابل وبتوع لم الخردة يبيعوك خردة .. على تاجر تنك .. ويعملو منك قواوير فخار .. وتشتريك ريما .. من محل قواوير .. وتزرع بقلبك .. شتلة بندورة .. لانهات بتعرفش الورد .. وتيجي اسرار تزور ريما .. وتطفي عقب سيجارتها بعيونك .. ما انت صرت قوار زريعة للطايح والرايح .. وممكن المشتاق يقوم يمصع شوية ورق بندورة من شواربك .. مش انت قوار زريعة .. وما بتعرف ممكن يمر ابو معمر من جنبك وما يعجبه شكلك ..يقوم يدفسك برجله .. ويبطحك على جنب .. وقوم من مطبك ان كان فيك حيل .......بدك تتحمل ..هاي اللي اجاك ...ما انت صرت فطيسة ...
اخر ما قلت لمن يرافقني في رحلة سحاب تلك ... اجوه الله عليكم ......اذا كان ولا بد .....والله اخذ وداعته .... ما تدفنوني بسحاب ... شوفو مقبرة سياحية .. على طرف وادي .. ويكون فيها شجر .و ورد .. ومهوية يعني فيها شوية هواء علشان الواحد يشم نفسه ...... اجوووه الله عليكو ... يلعن ولايا سحاب شو فيها فيران وحراذين .....وفطايس كلاب ...وزبالة ...
ادفنوني ان شاء الله بعبدون .. او بدير لغبار او بدير الزور .. لكن سحاب .. لا .. والف لا .....




 |~   تـوقـيـع:  

نقرتين لعرض الصورة في صفحة مستقلة
  رد مع اقتباس
قديم 07-07-2009, 14:28   رقم المشاركة : ( 2 )

http://sadaalhajjaj.com/vb/images/name/23.gif



 
لوني المفضل : #360000
رقم العضوية : 519
تاريخ التسجيل : 23 - 11 - 2008
فترة الأقامة : 3286 يوم
أخر زيارة : 30-03-2010
المشاركات : 6,465 [ + ]
عدد النقاط : 10
 
 
 الأوسمة و جوائز
 بينات الاتصال بالعضو
 اخر مواضيع العضو

اسرار غير متصل

افتراضي رد: في زحام المقبرة !!



راجعة بكرة ازا الله راد ......
بدي اطبعه وراجعة اقصف موضوعك قصف



 |~   تـوقـيـع:  

  رد مع اقتباس
قديم 07-07-2009, 14:43   رقم المشاركة : ( 3 )

http://sadaalhajjaj.com/vb/images/name/5.gif



 
لوني المفضل : #360000
رقم العضوية : 1094
تاريخ التسجيل : 9 - 5 - 2009
فترة الأقامة : 3119 يوم
أخر زيارة : 07-06-2011
المشاركات : 7,121 [ + ]
عدد النقاط : 10
 
 
 الأوسمة و جوائز
 بينات الاتصال بالعضو
 اخر مواضيع العضو

المشتاق غير متصل

افتراضي رد: في زحام المقبرة !!



مستشفى البشير معروفه ... من زمان هيك
كيف لو اجيت الصبح ... والله ما بتعرف منو غريمك

بس مقبرة سحاب والله من الآخر يا ابو قنوة ...
هذا الكلام من 5 سنوات ما بعرف الحين كيف وضعها



 |~   تـوقـيـع:  

نقرتين لعرض الصورة في صفحة مستقلة

  رد مع اقتباس
قديم 07-07-2009, 16:56   رقم المشاركة : ( 4 )

http://sadaalhajjaj.com/vb/images/name/23.gif



 
لوني المفضل : #360000
رقم العضوية : 545
تاريخ التسجيل : 3 - 12 - 2008
فترة الأقامة : 3276 يوم
أخر زيارة : 03-04-2011
المشاركات : 13,080 [ + ]
عدد النقاط : 12000
 
 
 الأوسمة و جوائز
 بينات الاتصال بالعضو
 اخر مواضيع العضو

هبة الرحمن غير متصل

افتراضي رد: في زحام المقبرة !!



يلي بدي افهمو ابو قنوه ليه ما بدك بعد عمر طويل تندفن بسحاب



 |~   تـوقـيـع:  



إذا أحببت شيـئاً فدعه حراً إن عاد فهو لك ..وإن لم يعد فهوا ليسى لك منذ البدايه


( ابدعت بالدور _ عبدالكريم عبدالقادر)

  رد مع اقتباس
قديم 07-07-2009, 22:47   رقم المشاركة : ( 5 )
شخص عادي "
مارق طريق


 
لوني المفضل : Blue
رقم العضوية : 167
تاريخ التسجيل : 19 - 3 - 2008
فترة الأقامة : 3535 يوم
أخر زيارة : 14-04-2014
المشاركات : 4,659 [ + ]
عدد النقاط : 117
الجنس ~
M M S ~
MMS ~
 
 
 الأوسمة و جوائز
 بينات الاتصال بالعضو
 اخر مواضيع العضو

ابو قنوة غير متصل

افتراضي رد: في زحام المقبرة !!



المشتاق .. فنان .. اصيل ..خيال الزرقا ... والحمرا كمان
واسرار .. قصفها فتيش ..يعني فسدق فاضي..
طيب الي بدي افهمو .. هبة الرحمن شو عاجبها بسحاب ...
روحي زيارة وطلي طلة على مقبرة سحاب وبعدين بوجهك على وزارة الاوقاف .. وعلى هيئة مكافحة القوارض .. ومكافحة التسول .. وبعدين لزقي طابع ابو شلن وجيبيلي المعاملة يمكن .... يمكن اوافق... وقابليني لو وافقت ... قال سحاب قال...



 |~   تـوقـيـع:  

نقرتين لعرض الصورة في صفحة مستقلة
  رد مع اقتباس
قديم 07-07-2009, 23:04   رقم المشاركة : ( 6 )

http://sadaalhajjaj.com/vb/images/name/17.gif



 
لوني المفضل : #360000
رقم العضوية : 1129
تاريخ التسجيل : 22 - 5 - 2009
فترة الأقامة : 3106 يوم
أخر زيارة : 06-04-2010
العمر : 30
المشاركات : 2,679 [ + ]
عدد النقاط : 10
 
 
 الأوسمة و جوائز
 بينات الاتصال بالعضو
 اخر مواضيع العضو

براءة الحياة غير متصل

افتراضي رد: في زحام المقبرة !!




ابوقنوة
ما يضيرك ؟؟؟؟؟؟؟بعدان تصبح سراب ؟؟؟
اتخشى مقبرة سحاب ؟؟
هنا ام هناك فانت عائد للتراب؟؟؟؟
والافضل ان تخشى الحساب لا سحاب؟؟؟؟؟
دمت



 |~   تـوقـيـع:  

نقرتين لعرض الصورة في صفحة مستقلة

  رد مع اقتباس
قديم 07-07-2009, 23:09   رقم المشاركة : ( 7 )
شخص عادي "
مارق طريق


 
لوني المفضل : Blue
رقم العضوية : 167
تاريخ التسجيل : 19 - 3 - 2008
فترة الأقامة : 3535 يوم
أخر زيارة : 14-04-2014
المشاركات : 4,659 [ + ]
عدد النقاط : 117
الجنس ~
M M S ~
MMS ~
 
 
 الأوسمة و جوائز
 بينات الاتصال بالعضو
 اخر مواضيع العضو

ابو قنوة غير متصل

افتراضي رد: في زحام المقبرة !!



اخشى ما اخشاه يا براءة الحياة .. ان تتوهي في الزحام .. وانت تتكبدين العناء .. لتطلي على قبري ان كان هناك في سحاب ....
اخترت مكانا يليق بك .. مكانا قريبا من يديك ... في افياء الشجر .بين حانيات الورد .... هناك .. وحين تطل قامتك على الجسد الفاني في قبرة .. امانة في عنقك .. اكتبي .. على الشاهد .. مات شهيدا ..للحياة وبرائتها ...



 |~   تـوقـيـع:  

نقرتين لعرض الصورة في صفحة مستقلة
  رد مع اقتباس
قديم 07-07-2009, 23:28   رقم المشاركة : ( 8 )

http://sadaalhajjaj.com/vb/images/name/17.gif



 
لوني المفضل : #360000
رقم العضوية : 1129
تاريخ التسجيل : 22 - 5 - 2009
فترة الأقامة : 3106 يوم
أخر زيارة : 06-04-2010
العمر : 30
المشاركات : 2,679 [ + ]
عدد النقاط : 10
 
 
 الأوسمة و جوائز
 بينات الاتصال بالعضو
 اخر مواضيع العضو

براءة الحياة غير متصل

افتراضي رد: في زحام المقبرة !!




وعدا ان كان هناك في سحاب ؟؟؟ستحمل المشقة والعذاب ؟؟؟
ولكن قد اخترت
مقبرة بين الزهور ......بين تغريد الطيور .
مقبرة يفوح منها المسك والعطور ...
ارواح قاطنيها تسكن في جنات وعيون ....
فهنيئا لكل من حل زائرا على المقبرة وسكن فيها..
وسقط شهيدا على اجساد قاطنيها.....






 |~   تـوقـيـع:  

نقرتين لعرض الصورة في صفحة مستقلة

  رد مع اقتباس
قديم 07-07-2009, 23:32   رقم المشاركة : ( 9 )
شخص عادي "
مارق طريق


 
لوني المفضل : Blue
رقم العضوية : 167
تاريخ التسجيل : 19 - 3 - 2008
فترة الأقامة : 3535 يوم
أخر زيارة : 14-04-2014
المشاركات : 4,659 [ + ]
عدد النقاط : 117
الجنس ~
M M S ~
MMS ~
 
 
 الأوسمة و جوائز
 بينات الاتصال بالعضو
 اخر مواضيع العضو

ابو قنوة غير متصل

افتراضي رد: في زحام المقبرة !!



عهدي بك عذبة كنسيم الصبح ..
من اين جئت بكل هذه القساوة ...
***************
كما ينبت العشب بين مفاصل صخرة ...
وجدنا غريبين معا ..
وكانت سماء الربيع ...
تؤلف نجما ونجمة ..
وكنت اؤالف فقرة حبا ..
لعينيك غنيتها ...
غريبان نحن ...
غريبان نحن ..
الا ان ينام القمر ...



 |~   تـوقـيـع:  

نقرتين لعرض الصورة في صفحة مستقلة
  رد مع اقتباس
قديم 07-07-2009, 23:51   رقم المشاركة : ( 10 )

http://sadaalhajjaj.com/vb/images/name/17.gif



 
لوني المفضل : #360000
رقم العضوية : 1129
تاريخ التسجيل : 22 - 5 - 2009
فترة الأقامة : 3106 يوم
أخر زيارة : 06-04-2010
العمر : 30
المشاركات : 2,679 [ + ]
عدد النقاط : 10
 
 
 الأوسمة و جوائز
 بينات الاتصال بالعضو
 اخر مواضيع العضو

براءة الحياة غير متصل

افتراضي رد: في زحام المقبرة !!




اتعلم
احاول ان اتبع خطواتك......
مزاجية تارة
عاشقة تارة
محبطة تارة
وحاقدة تارة
وقاسية تارة
احوال واشكال ..انت من خلقتها وانت من صنعتها؟؟؟؟
ولعبة انت من بدئتها ؟؟؟؟؟
انا هنا اعلن استسلامي ..... رافعة شعار انوثتي
وليس انهزامي
لادفن بمقبرتك كل شروري واحزاني..



 |~   تـوقـيـع:  

نقرتين لعرض الصورة في صفحة مستقلة


التعديل الأخير تم بواسطة براءة الحياة ; 08-07-2009 الساعة 11:43
  رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صيام يوم عاشوراء فله الخيمة الرمضانية 3 01-08-2009 01:30
حقيقة القبض على الشهيد صدام !!! ahmadtaf منتدى عَالم الَسياََسَة 6 14-11-2008 03:49
40 موقفاً لصدام لم تسمع بها ahmadtaf منتدى عَالم الَسياََسَة 9 25-10-2008 13:44
صيام الست من شوال... ahmadtaf الخيمة الرمضانية 3 06-10-2008 13:14
صدام حسين بعيون سجّانه م.محمود الحجاج منتدى الصحافه والاخبار الاردنية 0 30-11-2007 10:53


Loading...

عدد الزوار والضيوف الذين لهم زيارات مستمره لموقعنا من الدول العربيه والاسلاميه والعالميه

free counters

انت الزائر رقم

my space stats


Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir
Ramdan √ BY: ! Omani ! © 2012
new notificatio by 9adq_ala7sas
جميع الحقوق محفوظة لشبكة و منتديات صدى الحجاج

كل ما يكتب في المنتديات لا يعبر بالضرورة عن رأي إدارة شبكة ومنتديات صدى الحجاج
شبكة ومنتديات صدى الحجاج لا تنتمي لاي حزب او جماعه او جهة او معتقد او فئه او مؤسسة وانما تثمل المصداقيه والكلمه الحرة ...

http://www.sadaalhajjaj.com/vb/sada2012/images/2012.gif